Sýningarfyrirtækið RITSÝN sf. býður upp á fag/vörusýningar. Í rúmlega 25 ár hefur fyrirtækið staðið fyrir flestum sýningum á þessu sviði á Íslandi.
Má nefna sýningar á sviði heilsu, stóreldhúsa, flutninga, fjármála, landbúnaðar, umhverfis, iðnaðar og sjávarútvegs.
Markmið okkar er að standa fyrir faglegum og árangursríkum sýningum og ráðstefnum á Íslandi. Hér að neðan má sjá nánari upplýsingar um þær sýningar sem eru fyrirhugaðar hjá Ritsýn.
Næstu sýningar: IÐNAÐARSÝNINGIN 2023
Á viðburðaríku ári hefur sýningarfyrirtækið Ritsýn sf. staðið fyrir þremur fagsýningum: ICELAND FISHING EXPO/ÍSLENSKUR SJÁVARÚTVEGUR 21.–23. september, ÍSLENSKUR LANDBÚNAÐUR 14.-16. október og STÓRELDHÚSIÐ 10.-11. nóvember. Höfum við fengið einstaklega góð viðbrögð við þessum sýningum bæði frá sýnendum og hinum fjölmörgu gestum.
Ýmsir sýnendur hafa sýnt áhuga á víðtækri iðnaðarsýningu. Höfum við ákveðið að halda slíka stórsýningu 31. ágúst – 2. september 2023. Hefur sýningin hlotið heitið: IÐNAÐARSÝNINGIN 2023 og verður haldin í Laugardalshöllinni. Helstu svið sýningarinnar verða: mannvirki, orka, innviðir, hönnun og vistvænar lausnir.
Iðnaður er mjög stór hluti hagkerfis okkar. Samkvæmt hagtölum skapar hann rúmlega um fimmtung landsframleiðslunnar. Og þá er aðeins rætt um beint framlag til landsframleiðslunnar. Hið óbeina framlag er mun meira. IÐNAÐARSÝNINGIN 2023 spannar hið víða svið iðnaðar hvort sem er á sviði mannvirkja, orku, framleiðslu, hugverka eða grænna lausna svo eitthvað sé nefnt. Slík sýning á erindi við landsmenn hvort sem þeir starfa eða tengjast iðnaðarsviðinu.
Ljósm.: Jón Svavarsson © MOTIV